旁白：清朝康熙初年，因年幼未能亲政，故委任四名顾名大臣，辅佐少主，其中以鳌拜最为凶狠，上则挟天子以令诸侯，下则屡兴文字狱，残杀汉人，引致八旗大臣同民间侠士都极度痛恨，尤其以天地会盟主陈近南无时无刻都想消灭呢个大奸臣！
（鳌拜威风八面）
（鳌拜两三下手势就搞掂咗班刺客）
众人：大人神功盖世，天下无敌。
鳌拜：天地会反贼不知自量，简直自寻死路。即刻下令全力缉拿反贼头子陈近南！
众人：遵命！
（鳌拜大笑）
（康熙等紧海大富）
海大富（跪喺门口）：奴才海大富叩见皇上。
康熙：平身。
海大富：喳。
（海大富走去康熙身边）
（皇宫内）
康熙：七旗旗主件事办妥未呀？
海大富：七位旗主叫奴才回复皇上，佢哋一定准时到达丽春院。
康熙：你觉得呢件事点睇？
海大富：皇上，鳌拜为正白旗撑腰，欺压七旗贵族。七旗旗主早存怨恨。只不过畏于鳌拜爪牙众多，不敢轻举妄动。今次得皇上肯屈就万金之体，联同七旗主喺宫外秘密商议对付鳌拜嘅策略。七位旗主深感圣恩。
康熙：今次事关重大。况且朕今次微服出巡，同七位旗主喺宫外秘密商议，喺烟花之地出现，始终唔系一件体面嘅事。你要记住，除咗你同七旗旗主之外，事后知道嘅人通通都要处斩。朕经已长大成人，唔希望好似木头公仔噉任人摆布。
海大富：皇上英明！
（丽春院）
龟公：楼上楼下嘅姑娘呀！出嚟见客喇！
（好多人哄埋听韦小宝讲古）
嗍女：走啦！阻住晒人哋听古呀！
韦小宝（坐到高高哋）：各位观众！多谢大家哄到咁埋，坐到咁直嚟听我讲古，都算畀面喇！今日要讲嘅人物就系天地会嘅总舵主陈近南。有所谓平生不见陈近南，就便称英雄也枉然。佢身高八尺，腰围又系八尺。
听客（加把口）：哗！噉咪即系四方？！
韦小宝：四方咪四方啰。唔顺呀？！一样米养百样人。八角形都有呀！讲你听吖！佢武功嘅明堂就为之九天十地菩萨摇头怕怕霹雳金刚雷电掌。一掌打出，方圆百里之内，无论人畜、虾蟹、虱乸都要化为飞灰嘅！
听客：哗！——
韦小宝（继续）：嗨！不过呢个人行踪冇定，飘忽无踪，但系我系机缘巧合之下，就曾经见过佢半面噃。
听客：一系见过，一系未见过。点会见到半面架？
韦小宝：因为佢真系遮住半边面啰！傻仔！未听过犹抱琵琶半遮面架？！你未读过书架，懵仔？（笑）虽然我只系见过佢半面，但系一见倾心，熊熊声噉走去斩鸡头烧黄纸结拜为兄弟！
大话周星驰站zhouxingchi.cn
龟公：收声！啊！你个死仔挂住喺度讲古，搞到一个二个都唔叫鸡！
韦小宝：系大家自愿听我讲古而唔愿叫鸡咋㖞！况且叫鸡危害健康，好事嚟吖！
龟公：重话好事？你家姐都系鸡咋！冇人叫佢就食屎吖！
韦小宝：食屎有益身心㖞，留返畀你吖。
龟公：你叫我食屎？！等我搞掂你！
韦小宝（喺高处跌落，畀海大富接住）：唔该晒你呀，盲公！
海大富：乜咁睇唔开呀？
龟公：对唔住呢位大爷，千祈唔好见怪呀。
龟公：你个衰仔÷鋰剑?BR>韦小宝：你道歉先啦！
龟公：我道歉？！未打够呀？
一鸡：大件事喇！有人缩阳呀！快啲嚟啦！揾人睇吓佢啦！有人缩阳喇！
韦小宝：有人缩阳呀！快啲叫我家姐！
海大富：边个系你家姐？
韦小宝：京城房事状元，天下第一美人韦春花！
（韦春花仆亲）
韦春花：唔好意思！（喺康熙身边经过）
康熙：呢啲噉样嘅烟花之地，真系混乱不堪！
海大富：此地不宜久留，七旗旗主已经喺入便等紧我哋。
康熙：呣！
一鸡：哩，咪系佢啰。就系佢缩阳呀。
韦小宝：缩成点呀，睇过！喂！你缩咗去边呀？
龟公：喂！死咗未呀？死咗就丢咗佢啦，唔好整污糟呢度！
韦春花：边个缩阳呀？冇死得咁易！
韦小宝：肥佬晶啰！死唔死得唔知咯。
韦春花：好简单啫。托起佢呀！
龟公：做咩呀？啊？
韦春花：就凭我韦春花咁多年嘅经验呀！如果男人一缩阳呢，只要喺佢尾龙骨大穴位度攞支钗一厾落去，就会“厾咬”，噉样弹返出嚟架喇。
龟公：哦！
韦春花：托起佢个窟！
（韦春花用金钗厾咗肥佬嘅尾龙骨一下）
韦小宝：哎吖！差啲畀佢扳中！
韦春花：冇嘢睇吖！冇嘢睇吖！返落去啦！返落去啦！
官兵头：行开！企埋一边！做乜嘢呀？
韦春花：做咩呀？
官兵头：冚棒唥咪喐！我哋嚟捉拿天地会反贼陈近南嘅。搜！
众人：系！
（七旗旗主同康熙秘密开会）
七旗旗主：参见皇上！
康熙：出便咩事？
海大富：皇上，系鳌拜嘅人！四大高手到齐！
康熙：系咪嚟揾朕架？
海大富：相信唔系。
韦小宝：咩呀？咩呀？咩呀？做咩呀？做咩呀？咩事干呀？咩呀？咩呀？咩呀？
官兵头：边个知道陈近南喺边？
韦春花：咩呀？
众人（指韦小宝）：佢呀！
韦小宝（揾把扇遮住自己块面）：我讲古架啫，大佬！
官兵头：拉佢返去严刑拷问！
画外音（陈近南）：不得滥杀无辜！
陈近南（现身）：陈近南在此！
（众人四散）
韦小宝：陈近南？！
（陈近南同班官兵斗法）
陈近南：周堂主，有机会走先！
周堂主：总舵主，呢几个狗贼重未有资格要我哋落荒而逃！
韦小宝（匿埋一二角）：你睇唔睇到呀？好厉害呀！
龟公（惊惊哋）：你重讲！
陈近南（抱起矮仔）：跟我走！
（陈近南畀矮仔暗算）
矮仔：死呀你！
韦小宝：弊！
韦小宝（大嗌一声，推出轿，埋去陈近南身边）：唔使惊，我嚟救你架。
（周堂主不幸牺牲咗）
韦小宝（将轿推入一条巷仔）：跟我嚟呀！
（狗竉前）
韦小宝：钻入去呀。
陈近南：咩嚟架？
韦小宝：狗竉呀。
陈近南：要我陈近南钻狗竉？！唔得！（想掉头走）
韦小宝：嗨，佢哋睇住我救你出嚟，势估唔到一个屈尾十钻返入去架嘛。大丈夫能屈能伸，留返条命仔紧要呀。快啲啦。嚟！
（陈近南无奈钻入去）
（韦小宝小心翼翼噉闩埋度门）
陈近南：青木堂主点呀？
韦小宝：死咗嘞。
陈近南：啊？
韦小宝：我帮你揾啲水抹净只眼先啦。
陈近南：唔得！啲石灰粉一掂到水就会滚，会烧伤我对眼嘅！
韦小宝：噉点呀？
陈近南：要用菜油抹呀。
韦小宝：好！我去厨房攞。
大话周星驰站zhouxingchi.cn
海大富：呢位大人！
官兵头：咩事呀？
海大富：在下海大富，宫中敬事房首领太监。
官兵头：哦，原来系海公公，失敬。
海大富：皇上有圣谕在此。（官兵头欲跪，海大富拉住）哎，皇上有令，立即撤退所有兵马！
官兵头：系！（接过圣谕）
（房内）
康熙：噉就决定联手对付鳌拜。
七旗旗主：喳。
（海大富入房）
康熙：海公公！
海大富：皇上！
康熙：出面点呀？
海大富：兵马经已撤退，皇上马上可以回宫。
康熙：好！
（丽春院外）
官兵头：大人有命，要我哋立即撤兵。
官兵头乙：好！我知道！收队！
龟公：喂喂喂！出面班官兵呀，走晒喇！
陈近南：噉我都告辞。
龟公：哎，你走还走㖞，记得带埋佢走呀。（指韦小宝）因为系人都见到佢就救咗你嘅。费事第日啲官兵返嚟抽掅我哋呀。
韦小宝（跪低）：陈大侠，我好崇拜你架。不如你就收我为徒啦！好吗？
陈近南：收你？
韦春花（拍陈近南膊头）：佢救你一命㖞，你唔使报答佢呀？系咪噉话？（问龟公）
龟公：系吖，你唔带佢走呀，我都掟佢走架喇。费事畀佢连累埋我哋吖。吓哗？
陈近南：加入天地会，系一件好危险嘅事，你唔会后悔吖嘛？
韦小宝：唔啱噉呀，你教我绝世武功我咪唔使惊啰。
陈近南：你叫咩名？
韦小宝：我叫韦小宝。
陈近南：好，我就收你为徒。你跟我返去天地会总坛。
韦小宝（笑口噬噬）：多谢！多谢！多谢！多谢！
（天地会总部）
（对联，横批：天父地母。左联：地镇南岗一派溪山千古秀。右联：门朝大海三河合水万年流。 小宝揞住眼，揸刀斩鸡头。唔小心斩唔到鸡头斩到伙伴只手，韦小宝讲对唔住。）
陈近南：斩过鸡头，烧过黄纸，歃血为盟之后，韦小宝你就算系我哋天地会嘅兄弟。暂且编你入青木堂。我哋有十大会规，二十大守则，三十大戒条，八十小戒条，如果你犯咗其中一条嘅话，就算你系我徒弟，亦都要身受九九八十一刀而死。
韦小宝（跪喺地下）：唔使咁嘥力，我一刀就死架嘞！（笑笑口）
陈近南：唔好乱讲嘢，起身。（小宝起来）青木堂主，惨死喺骜拜嘅爪牙手上，我哋一定要贯彻佢嘅遗志，诛杀骜拜呢个奸贼。同时，将满清嘅皇帝同所有清狗赶出关外，复我大明嘅江山。
众人（皆振臂高呼）：反清复明！反清复明！……
韦小宝（含糊其词）：反清复明！反清复明！反清复明！……
陈近南：现在，我有一个极之危险嘅任务，希望有兄弟能够自愿出任。
众（面面相觑）：吓？咩嚟呢吓？
陈近南：我查到清宫里便，有四本《四十二章经》，里便记载清廷喺关外收藏一个大宝藏嘅秘密，如果我哋能够知道呢个大宝藏嘅秘密，我哋就可以攞返清廷喺大明江山所收集嘅民脂民膏，而且我哋重可以掘断佢嘅龙脉！龙脉一断，噉清狗嘅气数已尽，而我大明江山就指日可复。（众皆点头）所以我想派人入宫，偷返呢几本经。但系我知道呢个任务非常之危险，系九死一生。边个唔想去嘅，就坐低。
（众人争位坐低，小宝没争到）
韦小宝：喂！一人一半吖！喂！
某某：你去嗰便啦！
（韦小宝见到堂中间有位，嗱嗱声埋去坐。陈近南用脚将地下一根钉射入座位上，小宝一痛企返起身，畀陈近南揸实膊头。）
陈近南：小宝，估唔到你一加入本会，就想立此大功呀。好，为师成全你。
韦小宝：系吖，系吖，不过实情就噉嘅！嗰张凳……（指住张凳）
陈近南：大丈夫一言九鼎，你知唔知道背信弃义系犯咗本会嘅会规第八条，要斩一手一脚架？
韦小宝：吓？！呢度天地会定屈字堆呀？
陈近南：跟我入嚟。
（两人入房）
陈近南：小宝，你系一个聪明人，我就可以用一个聪明嘅方法同你讲嘢，而出便嘅人就唔可以。
韦小宝：唔明。
陈近南：读过书同埋明事理嘅人，大多数都喺清廷里便做紧官，所以如果我哋要同清廷对抗，就只可以用一啲蠢啲嘅人。对付啲蠢嘅人就绝对唔可以同佢讲真说话，要用宗教嘅形式嚟到催眠佢哋，令到佢哋觉得所做嘅嘢都系啱嘅。所以反清复明只系一个口号，同阿弥陀佛其实系一样。（韦小宝点头）清朝一直欺压我哋汉人，抢晒我哋啲银两同埋女人，所以我哋要反清。
韦小宝：要反清嚟抢返啲钱同埋啲女，吓哗？根本复唔复明就系多嚿鱼，关人鬼事！得架嘞！大家聪明人！明白！继续！
陈近南：总之，如果成功嘅话，你就有无数嘅银两同埋女人，噉你愿唔愿意去？
韦小宝：愿意，但系你头先话九死一生，嗰下得人惊吖嘛！
陈近南（扐出一本书）：我可以传授你绝世嘅武功。
韦小宝：咦？！咁大本，我睇都要练成个月㖞。
陈近南：呢本只系绝世武功嘅目录，嗰堆先系绝世武功嘅秘笈。
韦小宝：哗！睇都要睇一年㖞！
陈近南：我就睇咗三年，练咗三十年，先至有今日噉嘅境界。
韦小宝：三十年？！我有几耐时间练话？
陈近南：一晚。
韦小宝：哦，都重有一晚时间练，咪即系九死一生呀？
陈近南：唔系吖！睇咗就九死一生，唔睇就十死无生。
大话周星驰站zhouxingchi.cn
陈近南：做咩呀？
陈近南（除鞋）：你而家去做卧底，第日一定会遇到自己人，所以我要同你做个记号，喺你脚板上面刺上“反清复明”四个大字。
（小宝痛苦）
韦小宝：细力啲！唔得嘞！唔得嘞！（睇自己右脚）清明？
陈近南：攞埋嗰只脚嚟。
韦小宝：重嚟？！迟啲先啦。嗰两个字留返我自己雕得喇，好吗？
陈近南：嗱，你唔好唔记得呀，如果唔系将来死喺自己人手上面，噉就唔值得嘞。
（韦小宝孭住个背囊走去应征做杂役）
画外音：小宝，你听日入宫去应征做杂役，我哋就会有人接应你，暗号就系“单眼”。
（招募处，好多人排队）
韦小宝：哗！咁长龙！排得嚟都死咗啦！（见到另一个招募处冇人排队）呢边冇人排队架喂？！阿哥呀，呢度都系招募处吓哗？
守卫：系吖！系吖！入去啦！
韦小宝：好呀，唔该晒！（入去）
（守卫甲走开，露出头先畀佢遮住啲字，原来呢度系“太监招募处”，唔怪之得冇人排队啦。）
（小宝畀人绑喺床）
韦小宝：哗！呢张咩床嚟呀？好唔稳阵架？要绑住晒嘅？
老坑：做太监就梗系要阉架啦！阉就梗系要绑住架嘛！
韦小宝：边个做太监呀？
老坑：梗系你啦！唔通我呀？！
韦小宝：你阿妈就做太监！我嚟应征做杂役架咋嘛。
老坑：上面等人用，好有前途架。重有呀，阉咗呀好着数架！
韦小宝：喂！自己人㖞，唔好玩啦！
老坑：边个同你玩呀？
韦小宝：有冇搞错呀？我真系应征做杂役架咋。噉啦，你畀我返出去过隔篱门口排过队好过嘞！打搅晒！
老坑：哎！哎！哎！总之你入得嚟阉呢就唔出得返去！
韦小宝：啊？
老坑：算嘞，将错就错，同我揿住佢！
（千钧一发之际）
海大富：刀下留猪！唔好阉住！
老坑：海公公，噉点得架？
海大富：做咩事唔得呀？阉咗佢起码要两个月至行得返。但系而家我即刻就要用人。交畀我！带佢回宫。有机会至喺宫里便帮佢净身。
老坑：噉……噉……
韦小宝：噉咩呀？重唔松绑？
韦小宝：唔好意思，一场误会嚟！咦，盲佬，你好面善㖞。有机会一齐消夜！（想走，畀海大富拉住）
海大富：想走？！小桂子，帮佢换过晒啲衫衭。重有，宫里便唔可以用真姓名。以后我就叫你做小春子。
韦小宝：喂！唔好用个春字好吗？
（宫内）
海大富：小春子，禁宫里便警卫禁严，五步一岗，十步一哨，所以你日夜都唔可以乱咁行。如果唔系会杀头架，你知嘛？
（海大富嘅大门打开，地下满地落叶随风飘扬。）
海大富：你好惊咩？（近镜，两人十分靠近）
韦小宝：唔系吖。
海大富：唔系做咩骑住我？
（韦小宝骑住海大富）
韦小宝（落返嚟）：我以为你钟意咋，对唔住呀。
海大富：小桂子，点灯。
小桂子：喳！
（海大富坐定。小宝只手喺海大富眼前喐嚟喐去。）
海大富：做咩呀？（头转向另一边）
韦小宝：呢便呀，公公。冇，我欣赏紧你副墨晶眼镜之嘛。几好吓㖞！
海大富：你识欣赏咩？
韦小宝：少少噉啦。不过以公公你咁英俊挺拔，气宇不凡，重做太监做到有须咁突破，都唔使眼镜都够杀咯！
海大富：而家谛我呀，小春子？
韦小宝：小人不敢。（立即低头）
海大富：哼！我呢撇须系假嘅。（搣咗又黐返），太监系一个唔完整嘅男人，呢撇假须，可以令到我有返多少自尊心。
韦小宝（海大富话口未完，就走去海大富身后，见到一樽樽嘅嘢）：哗？！
海大富：你又做咩呀？
韦小宝：公公呀，玻璃樽里便装住啲一份份系咩嚟？（用手指搉啲樽）
海大富：鞭！
韦小宝：鞭？
海大富：第一樽系鹿鞭，（韦小宝一樽樽欣赏）第二樽系虎鞭，第三樽系牛鞭……
韦小宝：哦，第四樽一定系大笨象鞭！
海大富：唔系，系人鞭。系我净身嗰阵切落嚟嘅宝贝。
韦小宝：哗，原来你又系咁大架？！我以为净系得我添！
小桂子：今朝抹樽嗰阵调转咗呀，（将嗰樽“大笨象鞭”攞落嚟）嗰樽先至系，呢樽系萝卜嚟架。
韦小宝：哦，睇过（摆着看），乜都睇唔到嘅喂？！
小桂子：（畀放大镜韦小宝）嗱，呢个睇得清楚啲架！
韦小宝：（把放大镜放在眼前）哦，睇到嘞！哗！好骨致㖞。
海大富：我一岁就净身，算架势架嘞！
韦小宝：帮你净身嗰位重架势啦！真好眼呀！
海大富：人人嘅宝贝都摆喺宝贝房，我嘅宝贝怕唔见，所以就摆喺呢度。
韦小宝：公公你请放心，我会帮你及住架嘞。（忽然欠身）弊！想屙尿！
（公公摆手示意。）
韦小宝：哦。公公呀，你屙尿呢，企响处定踎响处？
海大富：你讲咩呀？！
韦小宝：（笑住走去屙尿）慌你唔系趴响处？（见到成排人）哗？！屙尿都要排队？睬你都傻。（走去最前）哎，老友，一齐你唔介意呀呵？（侧眼睄吓隔篱条友，见有异）屙尿屙到七孔流血，你都算系第一个啰！（睇后便，吓到辫仔戙起，跑返出嚟，喺海公公面前停低，惊到讲唔到嘢）
海大富：小春子，你练嘅系咩武功呀？练到条辫都直晒咁厉害嘅？
韦小宝：入……
海大富：入便咩呀？
韦小宝：好多……
海大富：好多死尸吖嘛！
韦小宝：你点知架？（摸吓条辫）你又知我条辫都直埋嘅？
海大富：（除咗副眼镜）我有眼睇嘅！
韦小宝：啊？！乜你唔系盲嘅咩？
海大富：边个话你听我盲架？
韦小宝：噉又冇。
海大富：如果唔系我身边嘅小太监全部都死晒，今晚绝对唔会破例未将你净身就带你入宫。
韦小宝：吓？
海大富：今晚就同小桂子潜入太后嘅寝宫，帮我揾一样好紧要嘅嘢返嚟。
小桂子（突地跪地倒）：公公！求公公饶命呀，个个手足入亲去太后寝宫，第二朝都死喺御花园嗰度，全身经脉都冻到结晒冰。求公公放过小桂子呀，饶命呀公公！
韦小宝：噉你就唔好咁冇胆，我新嚟就话可以唔去啫，你话晒喺度做咗咁耐都诈型就讲唔通嘅。公公，你放心呀，我劝服佢阵间一个人去。
（对公公：公公，请你放心，等我劝服他只让他一个人去。 小宝到小桂子身边。）
韦小宝：老老实实啦！你唔去我摷你架！（韦小宝中咗小桂子一拳）
韦小宝：（揞住块面）哎吖！公公，我受咗伤，要请两日病假休息。今晚想去，都唔去得嘞！
（小桂子挟持住韦小宝）
海大富：小桂子，你以为噉就可以避得开我嘅独门绝招嘞咩？
小桂子：去又死，唔去又死！我点都要搏一搏架！（移至门口，推开韦小宝，飙出去）
海大富（运掌）：化-骨-绵-掌！（掌破壁而出，中小桂子）
韦小宝：重走？！不过公公你唔使面红，你能够隔咁远一掌将佢打中都实在唔错，我睇你功力重喺我之上添！
（小桂子一段段化为血水，剩低啲衫，血流满地，韦小宝睇到呆晒）
海大富（拍小宝两个肩）：点呀？
韦小宝：化……骨……绵……掌？
海大富：我啱啱拍你呢两掌都系吖！
韦小宝：啊哈哈哈！估唔到呀！估唔到呀！（昏倒）
（路上，韦小宝喐嚟喐去，嘻嘻哈哈）
海大富（扚起小宝）：做咩呀？
韦小宝：我中咗化骨绵掌，啲骨化紧呀！
海大富：你正话中嘅系慢性化骨绵掌啫！
韦小宝：慢性？
海大富：自已睇吓只左手。（韦小宝亮出手臂）呢条绿气过一咗手踭，你就会全身骨骼尽碎而死。不过，起码重有一个月时间。
韦小宝：公公，我同你无怨无仇，点解你要噉害我呢？
海大富：只要你乖乖哋去太后嘅寝宫帮我揾啲嘢返嚟，到时我自然会帮你化解。（又拍了小宝的肩）
韦小宝：死火！又中掌！
海大富：呢几下唔系。
韦小宝：哦。实在你要我帮你攞啲咩嘢得架？
海大富：去攞《四十二章经》。
韦小宝：《四十二章经》？
海大富：唔好讲咁多，即刻上去。
（到树上）
海大富：唔使惊。嗱，下便就系太后嘅寝宫—慈宁宫。呢个时候佢一定去咗坤和殿度拜神。起码一个时辰至返嚟，你有大把时候，偷到经之后，马上攞返嚟畀我。
韦小宝：万一佢突然之间返嚟噉点呀？
海大富：我会暗中保护你。落去！
韦小宝：点落啫？咁高！
海大富：我用掌力送你一程，放心，冇事嘅。
韦小宝：喂喂喂……
（小宝畀送到慈宁宫前）
韦小宝：真系冇事㖞。（突然倒地）意外嚟啫！（起身）
（小宝四围揾）
（忽听宫女唱：“恭迎太后御驾回宫！”）
（太后回宫）
韦小宝：咁快嘅！
（小宝躲起来）
韦小宝：咦，呢个太后都几巴闭架㖞。
宫女：太后，既然凤体违和，请容奴婢为太后宽衣就寝。
韦小宝（匿埋一二角）：哗！个样咁恶啃嘅！畀我啃啦。畀我啃啦。
（太后宽衣）
韦小宝：除！除！
（突一黑衣人（海大富）窜入慈宁宫）
（皇太后着返件衫，手下宫女出门应战）
（皇太后同黑衣人正面交锋）
（黑衣人实施调虎离山之计）
韦小宝：哗！原来太后都识武功架？！
（韦小宝安心入去偷嘢）
韦小宝（一揾就揾到《四十二章经》）：啊？唔系吖哗？咁易揾到嘅！
建宁公主（抢咗韦小宝手上嘅《四十二章经》）：喂！死太监仔吖！偷嘢？！
韦小宝（堆笑）：大号叫乜哥呀？
建宁公主：我你都唔识？！新嚟架？
韦小宝：系吖！点称呼呀，阿生？
建宁公主：阿生？乜你认为我系阿生咩？
韦小宝：莫非你又系太监？！
建宁公主（谂咗吓）：系吖。
韦小宝：哎，噉就咪玩啦，自己友。攞返嚟呀！
建宁公主：唔畀。
韦小宝：哼！你唔畀我，我唯有摷你架咋㖞！
（韦小宝中咗建宁公主一拳）
韦小宝：家阵你畀我，我都摷你呀！（又中一镬）哎吖！（追打建宁公主）你个死仆街！我杀你个冚家铲！我杀你个……
建宁公主（逃）：救命呀！
韦小宝：咪走呀你！
建宁公主：阿哥呀！
韦小宝（又仆亲）：冇事，意外嚟啫！咪走呀！企喺度！
（建宁公主跑入另一间房）
建宁公主：阿哥，救命呀！有人追我呀！阿哥！
（韦小宝停低）
康熙：喂！你系边个嚟架？
韦小宝：唔关你事！
康熙（问建宁）：咩事呀？
韦小宝：喂！咪以为你两个人我就惊㖞！你好快啲攞返本嘢落嚟㖞！
建宁公主：够胆你就上嚟吖！
康熙：你做咩事同佢争执啫？！佢系边个管事太监嘅手下嚟架？等我话畀佢嘅阿头头听，叫佢责罚佢！
建宁公主：唔好呀！呢个太监傻傻哋架。佢以为我同你真系太监嚟架！
康熙：唔系咁傻啊嘛？
建宁公主：重有呀，平时啲人见到我哋惊到好似只鹌鹑噉架嘛。但系佢又唔会呀，佢见到我真系打架。出尽力噉打我架！（康熙叉腰）
建宁公主：够胆就上嚟吖！
韦小宝（上楼梯）：就上嚟摷你至得。（行至一半）慌唔系有机关，我冇咁笨。（落返去）系男人就落嚟打过！
康熙：你好钟意打交咩？
韦小宝：唔系我钟意打交，系好多人钟意畀我打啫！
康熙：好！（走落楼梯）你想点打法？
韦小宝：嗱，我打交有三大规矩，第一，唔准打我块面。第二，净系准打你块面。（打咗韦小宝一拳）
康熙（中招）：哎吖！狡猾小太监吖！（追打韦小宝）
康熙：死吖！
（康熙将韦小宝一脚踢倒）
韦小宝：暂停！
康熙（欲打）：又想出笼了？
韦小宝：嗰条友挞咗我本经。你叫佢畀返我，我同你再打过。好痛呀！停！
康熙：你系咪攞咗人啲嘢呀？
建宁公主：冇呀！边有攞佢啲嘢啫？快啲打佢啦，打佢啦！
韦小宝（手指指）：哗！你揸住响手都重话冇呀你！讲你听呀，我返去班马你就知错呀！我师父武功盖世，打个乞嚏你都七孔流血呀！
康熙：你师父系边个呀？
韦小宝：就系平生不见陈……公公，便称英雄也枉然嘅海大富海公公。
康熙：海大富系你师父？
韦小宝：死未？！
大话周星驰站zhouxingchi.cn
（康熙不禁失笑）
韦小宝：惊到笑哩？！
康熙：喂！系咪好好玩呀？
韦小宝：系就系好玩！不过啲功夫就差啲。喂！不如噉……（咬耳仔）
（建宁公主写信）
韦小宝：喂！唔使写信道歉嘞。总之求祈投降畀返本经我就算嘞！
康熙：今日到此为止！听日再同你玩过。如果你听日打得赢我呢，（扐起嗰本《四十二章经》）就还返呢本经畀你。再送多一本畀你添。
韦小宝：你又有多本？！
建宁公主：梗系有啦！闷到死！都唔知要嚟做乜！阿哥呀！
（康熙戥咗个大大嘅印落去）
（海大富住所）
海大富：太后寝宫，竟然有一个武功同年纪都同你差唔多大嘅小太监？
韦小宝：咪系！我历经沧桑，牺牲色相先揾到本《四十二章经》都畀佢抢埋。重要我听日再摙过呀！话要打赢佢先畀得返我噉讲。
（海大富拍咗韦小宝嘅膊头一下）
韦小宝：哎吖！又一掌！
海大富（叉住韦小宝条颈）：你中咗我化骨绵掌，竟然重够胆讲大话？！
韦小宝：冇呀，我挞晒你朵重畀佢修多几件呀。（喺腰间扐出嗰封信）有封嘢话畀你睇添呀！嗱！
海大富（读信，康熙旁白）：公公，呢个小太监好有趣，可惜功夫就差啲。请你将最好嘅武功教畀佢，等佢可以经常陪朕玩！记住，你千祈唔可以责罚佢，亦都唔可以刻薄佢，重要听晒佢话，不可逆旨。如果唔系，朕会好唔高兴！（睇完）
韦小宝：做咩呀？冇咩吖嘛？
海大富（态度大变）：唔知小春子公公想学啲咩武功同呢个人比噉呢？
*韦小宝：（心谂）哗！睇佢衰样，真系争人好多钱噉㖞。想我学功夫呀？！趣趣哋就化骨绵掌啦！
海大富：都好！化骨绵掌练得三、五十年都略有小成。
韦小宝：哗！你啲绝世武功喐啲就话练一百几呀年嘅。化骨绵掌都未练到一半就入棺材嘞！化痰都唔得啦，你真失败嘅！
海大富：噉又系，况且化骨绵掌杀伤力太强，恐防会伤害到皇……
韦小宝：皇咩呀？
海大富：皇城里便嘅和气！
韦小宝：噉求祈有啲咩撚手嘅耍出嚟等我拣嘞！
海大富：好！
韦小宝：啊喂！
海大富：做咩呀？
韦小宝：我打咗成日，肚饿！攞啲嘢出嚟我消夜呀！（海大富掩嘴而笑，乸乸哋嘅）
大话周星驰站zhouxingchi.cn
（韦小宝享受消夜，海大富辛苦耍功夫）
插曲：
问我是正是邪未肯理
任你用爱用情你欢喜
是非事实胡加浑
快抛开一切去嬉戏
是狂是放，不管咁多
开心去演出戏
韦小宝：揦咁大把嘢，担泥咩？！见你就辛苦啦！换过把轻手啲嘅嚟呀。
海大富：哦。（换刀）
插曲：
要快乐时你用心揾吓乐趣！
我哋做人最不羁，一切像游戏！
笑住做人最不羁，一切像嬉戏！
醒醉之间发癫发梦假假真真
韦小宝：哗！有啲睇头㖞！帮帮手呀，唔该！（掟个西瓜过去海大富嗰度）
插曲：
主唱：黄沾
要快活时我开心找快活去！
要快乐时你用心揾吓乐趣！
*韦小宝：小喇叭自己阿妈你！切到边大边细噉点出大场面呢！换过！换过！
插曲：
醒醉之间发癫发梦假假真真
都不过一出戏
韦小宝：飞上飞落噉好好玩呀？！重细咩家阵？！明知我打紧边炉吖嘛！发晒啲树叶落嚟！你几呀岁人玩少阵好唔好啫？
海大富（抌咗把刀）：小春子，嫌三嫌四到底想点？！
韦小宝：喂！你要我学功夫架咋㖞！
（海大富揸韦小宝胸）
韦小宝：做咩呀？
海大富：重走！
韦小宝：喂！你唔厌架咩？
海大富：死啦！（搣烂咗韦小宝件衫）
韦小宝：咪住！
海大富：做咩呀？
韦小宝：喂！喂！喂！正话你呢一招呢，咩嘢嘅名堂？
海大富：百发百中穿心龙爪手！
韦小宝（心谂）：百发百中揸波龙爪手？！
海大富：做咩呀？
韦小宝：有内涵！我就拣呢招。
海大富：系呢招啦嘛？
韦小宝：瞓身落去练呀！
海大富：嚟呀！我揸！
韦小宝：我揸！
大话周星驰站zhouxingchi.cn
（第二朝）
康熙（中招）：你呢招喺边度学返嚟架？
韦小宝：你咪嚟！本来我呢招一留都施展喺女人身上嘅！不过见你个人就冇乜点，破例畀你见识吓噉解。
（康熙节节败退）
建宁公主：阿哥，乜你今日咁失威架？唔够人打嘅！
康熙：你千祈唔好过嚟呀！呢个人招招下流！梗揸呢度架！
建宁公主：你顾掂你自己先啦！
（康熙打韦小宝块面）
韦小宝：喂！话明唔准打面架㖞！
康熙：噉你又揸我胸？
韦小宝：揸你咪揸你啰。你又唔系靠对波揾食。我呢啲靠块面口揾食架嘛！
康熙：你呢个小太监呀，油腔滑调！卑鄙下流！
韦小宝：你唔系太监！全个紫禁城净系得皇上有啫啫架咋！你以为自己乜水呀？
康熙（挞低韦小宝）：重有咩好讲？
韦小宝：你投唔投降？
康熙：无厘头！
（韦小宝趁机揸康熙下体，康熙痛到）
康熙：好痛呀！
韦小宝：投唔投降？
康熙：好痛呀！放手呀！放手呀！我投降喇！
韦小宝：赢咗！
建宁公主：哥呀，乜你咁渣架？
康熙：有冇搞错呀？咁大力呀！好痛呀！好痛呀！
建宁公主：点呀？
韦小宝：系要揸嘅你真系！
建宁公主：痛唔痛啫？
康熙：梗系痛架啦。
韦小宝：乜你有……
建宁公主：哎，你头先咪话过，成个紫禁城净系得皇上至有……
康熙：建宁你……
韦小宝（吓到飞起）：皇上？
画外音：奴才禀告皇上，太子少保鳌拜鳌大人求见！
建宁公主：噉点呀？
康熙：鳌拜呢个老贼呀！竟然冇朕嘅吩咐，直闯御书房，太放肆嘞！你立即同佢回避吓先。快啲啦！快啲啦！
建宁公主：快啲匿埋吖！
康熙：下便啦！下便啦！
（鳌拜带大班大臣撞门入嚟）
鳌拜：鳌拜参见皇上！
众大臣：微臣参见皇上！
康熙：平身！
鳌拜：谢皇上！
康熙：鳌少保同埋咁多位大臣嚟求见，系咪有事要禀告？
鳌拜：请皇上马上下一道圣谕，拘禁大学士索尼！
康熙：鳌少保！索尼大学士佢同你一样，系四位先皇钦点辅佐朕嘅顾命大臣之一，功在社稷。点解你无缘无故要将佢拘禁？
鳌拜：索尼罪大滔天，搞到百姓怨声载道，兵部更加对佢不满。如果唔将佢拘禁查办嘅，只有难平民愤。所以各位同僚推举鳌拜，嚟求皇上降旨嘅。
康熙：冇凭冇据！点可以随便拘禁顾命大臣？
鳌拜：微臣嘅说话就系凭据，微臣手握天下兵马，手下何止百万！微臣口中军令重于泰山。手上军旗一挥，千个人头落地！唔通皇上认为微臣会讲大话？就算皇上认为微臣会讲大话，唔通满朝文武百官都讲大话？
众臣：请皇上三思！
康熙：朕需要参详一下！
鳌拜：百姓身处水深火热之中，皇上万万不能再拖延半刻！
康熙：朕需要考虑一下呀！
鳌拜：皇上，请准微臣磨墨！
（台底）
韦小宝：佢就系鳌拜呀？
建宁公主：系吖！
韦小宝：咁恶嘅？！
建宁公主：系吖！
韦小宝：搞咩啫？我就唔系女人！
建宁公主：你知你唔系女人，我够知你唔系男人咯！
韦小宝：嘘！
（鳌拜磨紧墨）
韦小宝（弹起身）：唔好弹呀喂！哎吖！
鳌拜（吓咗一跳）：边个？
韦小宝：系我呀！
鳌拜：大胆太监，匿埋喺度做咩呀？！
韦小宝：你估吓！
鳌拜：人嚟！即刻拖佢出去斩！
康熙：咪住！
韦小宝：咪住！
鳌拜（问康熙）：佢究竟系咩人？
康熙：佢系朕嘅心腹！
（韦小宝松咗一口气）
众臣（争相擦鞋）：心腹大人！心腹大人！
韦小宝：好话！好话！
鳌拜：心腹？点解我从来都未听过嘅？
韦小宝：喂！咁大声同皇上讲嘢？你系咪想死？皇上吉祥！你睇我？过分！你咩名？几多岁？喺边度做嘢？（鳌拜拧转头望皇上）唔好望！讲！（教训众大臣）起晒身做咩呀你哋？跌返低！（闹返鳌拜）你硬系望咩嘢啫？讲啦！
鳌拜：皇上！我唔理呢个系咩人。我只系要你即刻下令拘禁索尼！
*韦小宝（挡喺康熙身前）：做咩啫？做乜嘢啫？皇上自有分数，使你一味嚟啫住！基本上索尼饮茶唔畀钱，调戏伯爷婆同勾引你老婆，我哋都知架！
鳌拜：你乱讲！
韦小宝：未讲完！其实我就系皇上身边嘅……卧底！
康熙：系！
韦小宝：金牌卧底！专门就系卧喺你哋啲隔篱左右呀，嚟到装呢个索尼嘅同党蒲头。你咁急要杀索尼，慌你唔系就系佢同党？！
鳌拜：乱噏呀！我手握天下兵马，膝下何止百万呀！我使同索尼做同党？！
韦小宝：哦！……
康熙：哦！……
（两个人手指鳌拜，一时谂唔到讲咩好）
康熙：哦咩呀？
韦小宝：你话吖！
康熙：哦！恐吓！
韦小宝：恐吓皇上！大家都听到佢恐吓皇上！
众臣：听唔到！听唔到！
韦小宝：我同皇上都听到！呢镬冇得倾，人嚟，拖出去斩！
康熙：喂！
韦小宝：咪住！嗱，我见你个人冇乜点，我畀多次机会你，你扯！
鳌拜：我杀你个小滑头！
韦小宝：多谢晒！不过杀人唔使劳烦你！只要皇上圣旨一下，大家都要人头落地。不过唔知你先定我先啫！
康熙：鳌少保，索尼嘅事，朕自有解决方法。听日朕自有赏赐送去你嗰度。你而家同众大臣先行告退！
众大臣：鳌大人，我哋都系先行告退嘞！
鳌拜（大笑）：果然英雄出少年！皇上！微臣告退！
（鳌拜同班大臣告退）
（康熙同韦小宝吓到）
建宁公主：阿哥！小春子今次叻过你喇！你头先惊到缩埋成只鹌鹑噉呀！
康熙：今次全靠你嘞！
韦小宝：乜说话吖！（跪低）刚才小春子误揸龙啫，罪该万死！求皇上恕罪！
康熙：不知者不罪！
韦小宝：谢皇上！
建宁公主：阿哥呀，我觉得小春子好得意呀！不如你赐咗畀我吖！
韦小宝：啊？
康熙：不得胡闹！（起身）
（韦小宝起身）
康熙：平身！朕正在用人之际！小春子有勇有谋，胆识过人。你愿唔愿意为朕效劳？
韦小宝：小人实在求之不得。
康熙：噉好，朕现在就封你为御前金牌卧底小密探！
韦小宝：小人收到。
康熙：除咗对付鳌拜之外，重要监视海大富！
韦小宝：海公公？！
康熙：海大富系先皇嘅心腹，朕最近发现佢行踪诡秘，恐怕另有图谋。况且海大富对太后有偏见。朕要你监视佢一举一动，回报畀朕知。
韦小宝：系！
康熙：朕同你嘅关系，以及今日所发生嘅事，只有我哋三个人知道。如果你泄漏咗出去，朕就将你人头落地。
韦小宝：系嘅！（指建宁公主）如果佢泄漏呢？
康熙：一样会将你人头落地！
韦小宝：皇上处事公正严明，小人真系佩服万分！
康熙：以后你随叫随到！协助朕监视朝中奸党！
韦小宝：喳！
建宁公主：顺便监视埋我吖！
（海大富府上）
（韦小宝又喺度讲古）
韦小宝：嗰一招所谓老树盘根，我一个翻身将佢下盘制住。佢回头一望！突然打出一招所谓狮子偷桃！
海大富：猴子偷桃咋啩？
*韦小宝：狮子唔偷得桃嘅！狮子唔食生果嘅！你听古就咪驳古呀，阿炳！（继续讲古）嗱，话说嗰招狮子偷桃，我竟然偷唔到㖞！但系手上就无埕埕多执毛！嗱，大家又估吓点解吖嗱？
海大富：系咪胳肋底毛嚟架？
韦小宝：错晒！
海大富：乱噏无谓！（打烂晒啲凳）
韦小宝（手揸绳）：你估你系第一个想整我啲台凳咩？我早有准备架啦。
海大富：你唔知我除咗化骨绵掌之外，重有化绳绵腿嘅咩？！
（韦小宝跌落地）
海大富：《四十二章经》呢？
韦小宝：唔记得咗摆喺边！
海大富：你手上嘅绿气上到手踭未呀？！
韦小宝（撩起衣袖）：就到！不过如果你帮我解咗化骨绵掌毒，我或者会醒返起！
海大富（叉住条颈）：你重敢玩花样？！
海大富：边个？
画外音：海公公，我哋系太后派嚟架。
海大富：海大富有病在身！未能出迎几位姐姐。唔知太后有咩吩咐呢？
画外音：太后想请公公嘅手下小春子去一趟。
海大富：系咪小春子有咩过错呀？
画外音：废话少讲，快啲叫小春子出嚟，我哋赶住复命！
海大富：太后做咩事揾你？
韦小宝：我靓仔啩！
海大富：好！呢度有包五毒散，你有机会就放落太后所饮嘅茶或者酒里便！
尾巴：好危险架㖞！
海大富：我会暗中保护你！去！
韦小宝（开门）：屈完屈一个又一个！
宫女：你就系小春子喇吓嘛？
韦小宝：正是！太后揾我吓哗？有劳两位姐姐带路。
（宫女拔剑）
韦小宝（吓到飞起）：我冇话唔去㖞！
韦小宝：做乜嘢啫？
（韦小宝畀卷入地毡）
韦小宝：喂！奸好喇！千祈唔好杀呀！大家揾食啫，何必攞命呢？系咪噉讲呀？！
（四宫女出门）
韦小宝（个心卜卜跳）：唔通我未阉嘅秘密畀太后知道咗？！系嘅话就大剂嘞！（有人开门入嚟）边个？
（原来系建宁公主）
韦小宝：你？
建宁公主：你唔认得我喇？
韦小宝：认紧！认紧！
建宁公主：你估兄皇唔赐你畀我，你就可以飞出我嘅手指罅咩？！我咪一样可以叫母后嘅宫女捉你返嚟！
韦小宝：母后？！噉太后咪……
建宁公主：太后咪即系我母后，皇帝咪即系我阿哥啰。
韦小宝：噉你系％§……
建宁公主：见到建宁公主重唔下跪？！
韦小宝：哦！（欲跪）
建宁公主：迟咗喇！大逆不道，斩！
韦小宝：啊？你唔好咁冲动啦！我绑住唔喐得啫！
建宁公主：唔理！大逆不道，斩！（手上无情情多咗把刀仔）挖咗你对眼抑或割咗你个鼻，抑或切咗你唔应该有嘅地方？！
韦小宝：计我话呢，你不如放咗我出嚟先。至多你叫我做乜我照做啦，好嘛？
建宁公主：试吓先。整个至靓仔嘅样出嚟睇吓。
韦小宝：唔需要呀。家阵经已系嘞！
建宁公主（笑）：噉整个至丑样嘅样出嚟睇吓！
韦小宝：唔得㖞！点整都唔会丑架㖞！
建宁公主：哈哈哈！或者整个至淫贱嘅样出嚟睇吓。
韦小宝：更加唔使吖！你照照镜咪系啰！
建宁公主：我呀？！（大笑）
建宁公主（打韦小宝块面）：大胆！呣！系几好玩㖞！好啦！放你出嚟！
大话周星驰站zhouxingchi.cn
建宁公主：哎！哎！喂！不如你扮龟吖！
韦小宝：哎！对唔住！扮咩都得！但我唔会扮龟嘅！
建宁公主：点解呀？
韦小宝：呢个系我原则嚟！
建宁公主：噉好啦！你唔扮龟就要畀我打！
韦小宝：噉好嘞！我扮龟！
建宁公主：我又唔要嘞！打！笑呀！笑！
韦小宝：唔好打！
建宁公主：继续笑！笑呀！
韦小宝：我都系扮龟呀！扮龟好过瘾架！系吖！
建宁公主：噉呀？
韦小宝：系吖！你信我呀！
建宁公主：噉好啦，噉你扮一只畀我打嘅龟！（用藤条猛抽韦小宝）扮呀！快啲扮呀！扮唔扮呀？打到你扮！
韦小宝：好咯㖞！小喇叭！（忍无可忍，一拳打到建宁公主飞起）点解？点解你要迫我？
建宁公主（揽实韦小宝只脚）：嚟呀！我求你呀！你打我啦！
韦小宝：你讲笑咋吓哗？
建宁公主：系吖，唔该你吖！你用你最厉害嗰招嚟打我吖！嚟呀！
韦小宝：我由头到尾得一招架咋㖞！
建宁公主：噉你就用嗰招呀！嚟呀！唔该你吖！打我呀！打我呀！
韦小宝：喂！噉点好意思呀？
建宁公主：快啲啦！快啲呀！等我呀！
韦小宝：怕咗你嘞！公主，请接招喇！（韦小宝施展揸波龙爪手）
（韦小宝失身于建宁公主，韦小宝喺度抹眼泪）
建宁公主：傻仔嚟嘅！喊咩啫？我会好好噉对你架嘛！
韦小宝：呣！你系至好呀！你呀！
建宁公主：我有分数喇！嗱，有件新衫呀，着住佢先啦。唔好畀人睇蚀晒！
（太后撞门入嚟）
太后：建宁，你哋两个喺度做乜嘢呀？
建宁公主：伏匿匿呀！
韦小宝：系！梗系啦！
太后：建宁，本来你就顽皮任性，我都由得你。但系你竟然同啲小太监喺度胡混！虽然搞唔出啲乜嘢，但系畀人知道咗，你叫我点见人呀？
建宁公主：母后，我下次唔敢喇！我真系唔敢喇！
韦小宝：呢次算啦！下次唔好喇！
韦小宝（想撇）：小人告退！
太后：企喺度！
韦小宝：吓？
太后：为咗保存公主嘅名誉，唯有委屈你嘞！
建宁公主：唔好呀！
（太后正欲喐手之际，海大富及时出现救咗小春子）
海大富（胁持住建宁公主）：你放咗佢先，如果唔系我先杀公主！
太后（胁持住韦小宝）：你究竟系边个？三番四次入我寝宫！知唔知系诛九族嘅大罪呀？
海大富：你冒充太后，咪一样系诛九族嘅大罪！
太后：你乱讲！
海大富：我冇乱讲。上一次同你交手，我已经知你用嘅系神龙教嘅武功。你潜伏喺宫内到底有咩目的，快啲讲！
太后：想我讲？！睇你有冇本事喇！（推开韦小宝）
（海大富大战假太后）
海大富：吓？金蛇缠狮手？
（海大富诈死）
太后：雕虫小技，敢同我交手？！
（太后走去揭开海大富嘅面纱，中咗海大富一掌）
海大富：你武功虽然系高，可惜江湖经验唔及我！
大话 周星驰站zhou xingchi.cn
韦小宝：撞鬼咯！乜你两个搞成噉呀？
海大富：小春子，你唔使惊！即刻同我杀咗个妖女佢！
韦小宝：啊？我鸡都未劏过一只架㖞。唔好揾啲噉嘅嘢搞呀！
太后：你够胆以下犯上？！小春子，攞我呢支神龙刺，喺佢眉心拮落去。我封你做大官！
韦小宝：你唔杀我都算偷笑啦！重话畀官我做？！信你唔过㖞！
海大富：你唔好信佢！佢嘅真气畀我打乱，一喐就会走火入魔，你快啲攞支刺刺落佢头顶度！
韦小宝：喂！你两个霎气唔关我事啫！当我冇嚟过好唔好呀？
海大富：小春子，快啲杀咗佢。如果唔系，我死咗就冇人帮你解化骨绵掌毒架！
太后：我帮你解！
海大富：佢乱讲！佢唔识解化骨绵掌毒嘅！
画外音：皇上驾到！
太后：皇上驾到嘞！见到噉样嘅情形，佢一定唔会信你嘅。一定会杀咗你先。
海大富：我就拼住走火入魔，都要先攞你命！（企起身）
韦小宝：喂喂！唔好咁冲动！你嗱嗱声帮我解咗毒先啦！哎吖！怕咗你嘞真系！
韦小宝：噉系吖嘛！
海大富：唔好阻住！
（韦小宝一个唔小心，将支神龙刺插入海大富身体）
海大富（表情复杂）：你……
韦小宝：我冇心架！
（海大富飞出慈宁宫）
（皇上后脚赶到）
皇上：母后！母后！朕刚才经过慈宁宫，突然听到有巨响！唔知发生咩事呢！
太后：头先有个黑衣人想行刺哀家！好彩得呢位小太监舍命相救，母后先至冇事咋！
皇上：小春子，见唔见黑衣人呀？（韦小宝犹豫不决）见唔见嗱？
韦小宝：见！但系睇唔清楚佢系边个。公主喺里便都畀佢点咗脉晕咗！
皇上：人嚟！快啲请太医救公主！加强附近所有戒备！
手下：喳！
皇上：母后你受惊，你先入去休息一下。
韦小宝（想扶太后入去休息）：系吖！系吖！
太后：唔使你扶！（转身入寝宫）
皇上：有冇发现呀？
韦小宝：暂时重未有！
皇上：重唔快啲去监视海大富？！快啲呀！
韦小宝：哦！
（韦小宝返海大富寝宫）
韦小宝（惊惊哋）：你保你大呀公公！就算你真系死咗都好，千祈唔好返嚟吓我呀！唔该唔该！
（海大富失惊无神噉喺韦小宝，吓咗韦小宝一大餐）
韦小宝：唔关我事架公公！你要揾就揾阿太后或者揾……阿边个都好啦！总之你唔好揾我！最多七月十四我烧多啲嘢畀你呀！冤有头债有主大佬！唔关我事架！（掩面）
海大富：啫啫！你系啫啫！啫啫呢度！啫啫！
韦小宝：条脷似你啫啫，系呀！系呀！
海大富；唔系唔系唔系！你个样似我啫啫！
韦小宝：公公！你话我条脷就冇所谓，话我样我接受唔到嘞！
海大富：你个样系啫啫！啫啫……
韦小宝（心谂）：语无伦次嘅，黐咗线？
海大富：你成个啫啫！
韦小宝：想揾啫啫呀？跟我嚟！
海大富：啫啫呢度！呢度！呢度啫啫！呢度！
韦小宝（抱住嗰樽鞭）：啫啫喺呢度！
海大富：喺呢度！
韦小宝：你而家即刻饮咗佢，饮咗就会有返条啫啫架嘞！（海大富抱住樽鞭）重有，我过去嗰便畀啲药你食！食咗之后呢，条啫啫就变到老年咁大！
海大富：老年咁大？
韦小宝：老年咁大！
海大富：好嘢！（饮）
韦小宝：卅六着，走为上着！（撞正海大富）
海大富：我饮晒嘞！冇啫啫嘅？！啫啫呢？又话有药食？！畀啲药食！快啲畀啲药食呀！畀啲药我食！快啲啦！快啲啦！我要食！
海大富：有药食呀！
韦小宝：唔好呀！嗰啲五毒散嚟架！公公！
海大富：好食呀！
（海大富误食五毒散）
韦小宝：唔系走火入魔吓哗？
（海大富四围跳，最后瞓喺地下）
韦小宝：公公！
（海大富突然起身）
（海大富模仿韦小宝嘅一举一动）
韦小宝：公公！你冇嘢吖嘛？
海大富：公公！你冇嘢吖嘛？
韦小宝：我问你呀！
海大富：我问你呀！
韦小宝：你做乜学我讲嘢呀？
海大富：你做乜学我讲嘢呀？
（韦小宝试吓冚自己一巴，海大富都照做）
韦小宝：真系咁听话？！
海大富：真系咁听话？！
韦小宝：哦，呢趟发达咯！
海大富：哦，呢趟发达咯！
韦小宝：快啲帮我解咗化骨绵掌毒！
海大富：快啲帮我解咗化骨绵掌毒！
韦小宝：呀，唔系！
海大富：呀，唔系！
韦小宝：我帮你解咗化骨绵掌毒！嘟嘟嘟嘟嘟！
海大富：解你条啫！
（御书房）
韦小宝：皇上开恩！小春子照皇上嘅意思去监视海公公。点知畀佢发现咗。
康熙：点会发现架？
韦小宝：皆因小春子发开口梦！畀佢听到晒一切，重想杀我灭口。好在小春子喺打斗嘅时候不断叫住皇上个名，如有神助。重无端端点中埋佢嘅死穴！家阵海公公经已黐咗线。求皇上开恩恕罪！
康熙：噉你嘅胆真系好大！
韦小宝：系吖！系吖！我嘅胆唔细架！
康熙：居然冒充太监欺骗朕！
韦小宝：奴才不敢！
康熙：重讲大话？！朕经已睇过晒所有太监名册，根本冇你个名！净身记录亦都冇！你究竟喺边度嚟嘅？
韦小宝：实不相瞒，小春子系被迫架。本来我入宫系想做苏拉架啫！点知畀海公公见到，都唔知贪我乜嘢好，夹硬迫我入宫做太监做到而家。小春子真系冇心欺骗皇上嘅！
康熙：好！噉你平身先！
韦小宝：谢皇上！
康熙：你老实同朕讲！你……净咗身未？
韦小宝：未！
（康熙揸韦小宝嗰度）
韦小宝：善有善恩！恶有恶报！天理循环！天公地道！我曾误揸龙啫，今日皇上揸我，实在揸得有教育意义之极。我对皇上景仰之心有如滔滔江水绵绵不绝，又有如黄河泛滥，一发不可收拾！
康熙：够嘞！呢次系报你上次揸朕之仇！一人揸一次，各不相欠！
韦小宝：谢主龙揸！
康熙：你唔系太监都好！根据前朝列祖订下嘅禁例，太监系唔可以干涉朝政！你唔系太监朕可以赐你一官半职。你叫咩名？
韦小宝：奴才姓韦名小宝，京城人士。
康熙：鳌拜杀咗索尼！
韦小宝：吓？
康熙：鳌拜迫朕一步！朕就要退一步！朕觉得呢个时候，根本已经退无可退！
韦小宝：鳌拜呢条粉肠我唔会放过佢嘅。
康熙：鳌拜手执天下兵马，朕如果稍有举动，我恐怕佢会……造反！
韦小宝：不过天下兵马佢唔会日日带住四围行架啫！我哋可以睺佢一个人嘅时候舂佢！
康熙：朕正有此意！多隆！多隆！
多隆（失惊无神走出嚟）：多隆叩见皇上！
韦小宝：你喺边度走出嚟架？
多隆：咁秘密嘅嘢，点话得你下人知呀！
韦小宝：噉又系！
康熙：多隆系御前带刀伺卫首领，忠心报国！韦小宝系……朕嘅心腹！
（多隆面露惊喜之貌）
康熙：今日召集你两位嚟，就系想同大家商议一下，点先可以，先可以制造到机会畀你两个一齐去杀鳌拜！（转身，见到韦小宝同多隆标晒冷汗）你两个好惊咩？
韦小宝、多隆：唔……唔惊！
康熙：今日嘅事如果有第四个人知道，朕就将你两个人头落地。朕经已准备召鳌拜嚟御书房。睇吓有啲咩办法可以将佢杀死！
韦小宝（灵机一触）：我哋可以用古代荆轲刺秦王嗰条桥，实行图穷匕现，将佢搞掂！
韦小宝：又或者可以畀毒酒佢饮。
多隆：如果鳌拜真系唔死嘅话，微臣就埋伏十二个武功高强嘅伺卫，将佢乱刀斩死！
康熙：鳌拜武功高强，恐怕你哋杀唔到佢！
韦小宝：都未必嘅，我哋重可以装机关！
康熙：好！
韦小宝：况且我哋重有一个高手！
康熙：边个？
韦小宝：就系黐咗线嘅海公公！
康熙：海公公？！
韦小宝：佢黐线黐到我做乜，佢就跟住做乜。我哋大可以利用佢嚟扮成另外一个人走去暗算鳌拜！
康熙：扮边个？
（海大富扮作关公）
韦小宝：扮关二哥！
海大富：扮关二哥！
韦小宝：我哋叫鳌拜嚟，然后屈佢不忠不义。
海大富：我哋叫鳌拜嚟，然后屈佢不忠不义。
韦小宝：要佢跪喺关二哥面前发誓！
海大富：要佢跪喺关二哥面前发誓！
韦小宝：佢份人誓愿当食生菜，一定“loe”饭应嘅！
海大富：佢份人誓愿当食生菜，一定“loe”饭应嘅！
韦小宝：到时唔跪就由自可，佢一跪嘅时候，我就手起刀落！
海大富：到时唔跪就由自可，佢一跪嘅时候，我就手起刀落！
韦小宝：唔好呀！
海大富：唔好呀！
韦小宝：好险！
海大富：好险！
（韦小宝顶帽畀劈开两半）
大话周星驰站zhouxingchi.cn
康熙：准卿所奏！听日午时喐手刺杀鳌拜！
韦小宝、多隆：谢主龙恩！
（韦小宝同多隆出御书房）
多隆：韦大人，咩事咁痛楚呀？
韦小宝（痛楚万分）：正话畀皇上揸咗四嘢，抌咗八嘢！
多隆：韦大人竟然可以忍到而家？！真系坚毅不屈呀。卑职对韦大人嘅景仰，真系如滔滔江水连绵不绝。
韦小宝：又有如黄河泛滥，一发不可收拾吖嘛！喂！我谂住噉呀……
多隆：我谂住噉呀……
（两人同时攞咗张黄纸出嚟）
韦小宝、多隆：同你烧黄纸做兄弟！
多隆：买烧肉、斩鸡！
韦小宝：喂！买烧肉叫鸡会唔会好啲呢？
（御书房）
画外音：鳌少保鳌大人到！（鳌拜气势迫人）
韦小宝：鳌少保，皇上请你入嚟！
鳌拜：微臣鳌拜叩见皇上！唔知皇上召微臣嚟，有咩差遣呢？
康熙：赐坐！
（鳌拜坐定）
康熙：俄罗斯人同本朝疆界一向纠缠不清。日前派遣使臣送上地图，要与本朝商议新疆界。朕希望听吓鳌少保你嘅意见。
鳌拜：微臣想睇吓幅图先。
康熙：鳌少保，急亦急不在一时。人嚟，赐酒！
（多隆扮成宫女端酒畀鳌拜）
韦小宝（攞幅地图畀鳌拜睇）：鳌少保，呢幅就系俄罗斯人献上嘅地图，请过目！
（地图慢慢展开）
鳌拜（收埋地图）：荆轲刺秦王呢招，结果自己都失败。我真系估唔到，呢啲咁蠢嘅嘢，皇上居然都会学嘅。
康熙（拍台）：大胆鳌拜，竟敢对朕无理！
多隆：哼！水浸眼眉都唔知，你知唔知正话饮嗰啲系毒酒嚟架？
鳌拜：区区毒酒，我已经运内力迫咗出嚟！你试吓。（用毒酒灌多隆）
多隆：救命呀！解药呀！（走咗出去）
韦小宝：开机关！（唔小心韫埋自己）弊！好彩佢锁住，冇咁惊！
（鳌拜破咗机关）
韦小宝：救命呀！皇上！
鳌拜：皇上，本来君要臣死，臣不能不死。如果噉样对鳌拜嘅，鳌拜绝不甘心。
康熙：大胆鳌拜，朕知你武功盖世，本来想试吓你架啫。你竟敢道出大逆不道之言？！
鳌拜：试我武功？！
康熙：当然啦！好！既然你话你自己系赤胆忠肝嘅，你大可以喺关二哥面前立下毒誓，话永远效忠朕呀！
鳌拜：好！
鳌拜（喺海公公面前跪低）：鳌拜一生精忠为国，死而后已，如果有半点虚言，五雷轰顶而死！
（弊弊冇咁弊，海公公瞌着咗）
韦小宝（走去海公公身边）：关二哥显灵喇！关二哥打鼻鼾嗱！听唔听到呀？（用力搣咗海公公萝柚一嘢）
韦小宝：我斩！
海公公：我斩！（海公公劈烂咗鳌拜顶帽，但系个头冇事）十三太保横练金钟罩？！
康熙：护驾！护驾！
多隆（带住一班人撞门入嚟）：护驾！
（鳌拜刀枪不入）
韦小宝：佢打唔死噉嘅？！
海大富：十三太保横练金钟罩，刀枪不入，水火不侵。
韦小宝：噉咪天下无敌？
海大富：我哋功佢下阴，插佢双眼。
韦小宝：咦，你唔系黐咗线嘅咩？
大话周 星驰站zhouxingchi.cn
（班人畀鳌拜杀死晒）
海大富：小春子！
*韦小宝：你唔好理我，自己搞掂佢先啦。嚟紧喇！嚟紧！
海大富（揸鳌拜下阴）：死喇！金钟罩最高境界，缩阳入腹？！化骨绵掌！
（大战）
韦小宝：护驾！皇上，卑职护驾来迟罪该万死！
康熙：重讲咁多？！
多隆：皇上，卑职一路都喺度护紧驾！
海大富：化骨绵掌！啫啫！啫啫呀！
韦小宝：哗！
（鳌拜扑向康熙）
康熙：护驾！护驾！护驾！
（康熙迫于无奈，跳落楼梯）
韦小宝：救皇上！
海大富：啫啫呀！（接住皇上，冲咗出去）
韦小宝：等埋！
（鳌拜企喺韦小宝同多隆身后）
（多隆晕低）
韦小宝：唔好呀！你唔杀得我架！到咗呢个时候，我唯有讲个真相过你听！其实我系你亲身仔嚟架！阿爸！揸波龙爪手！（揸鳌拜对波）
（韦小宝眨吓眼就松咗人）
韦小宝：救命呀！鳌拜作反呀！人嚟吖！啲人死晒去边呀！救命呀！火烛呀！快啲出嚟救火呀！
（韦小宝冲入太后寝宫）
韦小宝：太后！太后，救命呀！
太后：你都好大胆㖞！我唔去揾你，你居然嚟揾我！
韦小宝：太后你听我讲，鳌拜作反嗱！佢杀咗皇上，而家嚟紧呢度。话要将你先奸后杀，再奸再杀呀！
太后：你讲咩话？
（鳌拜破墙而入）
韦小宝：太后你唔使理我，自己走先啦！（撇）
（太后大战鳌拜）
太后：天蚕丝！
（鳌拜畀太后搞掂）
皇上：保驾！保驾！保驾！保驾！（皇上赶到）母后！母后！
（韦小宝喺度扮晒嘢）
皇上：小宝！你冇事吖嘛？
韦小宝：皇上，经过一轮苦战，我终于将鳌拜呢个反贼收服，得保太后平安，我就算死，都能够瞑目！
皇上：你有冇受伤？
韦小宝：哎吖！我受咗内伤！不过如果有几万两银买啲药食，应该无碍嘅！
皇上：将鳌拜收入天牢！
手下：喳！
皇上：母后！母后！
韦小宝：喂喂喂！
（皇上入太后见房）
皇上：臣儿不孝，令母后受惊！
太后：好彩得韦小宝佢舍命救我咋。唔系哀家一定畀鳌拜呢个奸贼所害嘞！
韦小宝：微臣愧不敢当！
皇上：小宝，呢次你又立咗大功嘞！
太后：真可惜呀呵！佢系太监唔做得官呀。
*皇上：母后明鉴，其实小宝并非系太监。佢系朕安排喺海大富身边嘅卧底。佢系堂堂嘅男子汉。
（太后好意外）
韦小宝：小宝并唔系存心欺骗，只不过有皇命在身，请大人恕罪！
多隆：韦大人咪可以做官？！
皇上：韦小宝听封！
韦小宝：喳！
皇上：朕而家封你为，吴多阁大学士，御赐黄马褂，负责抄封鳌拜家宅！多隆，你负责协助韦学士！
韦小宝、多隆：谢主上！
（鳌府）
韦小宝（将一锭金收入袖）：忧怀国恨……呀……心暗伤！（喊）
多隆：大人，唱得唔好唔使喊嘅！
韦小宝（拍台）：混账！我系因为伤心而喊。估唔到鳌拜呢个奸贼刮埋咁多民脂民膏。我系为国家为人民而喊嘅！（喊）
多隆：伟大！伟大呀，大人！
手足：多大人！（献上鳌拜嘅数簿）
多隆：大人，初步点算，鳌拜嘅家产总共系三十八万两！
韦小宝：呢个奸贼，居然落格落咗咁多钱！嗨！我呢世人至憎人落格嘅！（手指多隆）一定要启奏皇上，将落格嘅人五马分尸。
多隆（少少惊）：大人！小人少少睇错！鳌拜嘅家产应该系三百八十万两至真。
*韦小宝：吓？！仇恨似海一样……永难忘！我一定要再启奏皇上，要佢恢复明朝对付贪官嘅剥皮法。知唔知点呀？
多隆：点呀？
*韦小宝：首先将你个人呢，埋喺啲沙里面，壅住，凸出个死人头。然后就揾把刀呢就喺你嘅头顶中间劏开，擘大个死人竉。再揾啲水银呢灌入去你嘅伤口里便。哗！你成个人当堂就痕到冇法止架。
多隆：冇法止就点呀？
韦小宝：冇法止唔搏命挣扎想揾竉钻啰，咁啱见头顶有个竉呀。哗！连层皮都唔要嘞，“啜”一声噉钻咗出嚟。不知何年何月得偿所望。见痕唔见呀你？
多隆：好痕呀大人。卑职睇清楚鳌拜嘅总资产系一千三百八十万两。重有好多系冇记录嘅。卑职建议将全部拎晒去大人府上，等大人点清楚至呈上去呀。大人！
韦小宝：好！好！（行开）
（见到好多人跪喺地下）
韦小宝：做乜咁多人跪晒响处？
多隆：禀告大人，呢啲冚棒唥鳌拜嘅老婆嚟架。
韦小宝：咁后生？！一定系畀鳌拜迫嘅。真可怜！（扶起条女）一睇就知佢唔够瞓！即刻送去我屋企等我同佢瞓返两晚。（扶起第二个）鳌拜果然心狠手辣，你睇吓将佢打到肿成噉样样，即刻送去我屋企等我同佢医。（第三个）金毛狮王嚟㖞！鳌拜通番卖国，呢个一定系洋鬼子女间谍！送去我屋企等我严刑拷问！（第四个）哗！ *黑柴都有？！送埋去我屋企！
多隆：咁黑都要呀？！
韦小宝：熄咗灯一样架啫！（第五个）吓？鳌拜呢个契弟，果然由八岁到八十岁都唔肯放过呀！
多隆：大人有啲误会，呢个唔系鳌拜老婆。系鳌拜老母呀！啃唔啃埋呀？
韦小宝：送去你屋企！
多隆：送我屋企做咩呀？
韦小宝：家有一老就如有一宝，家下醒件宝畀你㖞！抵请消夜嘞啩？
鳌拜老母：好呀！好呀！
多隆：好咩呀？抦你吖嗱！
手足：启禀韦大人，喺鳌拜宝库里便揾到一支洋枪，一件天蚕宝甲。
韦小宝：乜都打唔入嘅天蚕宝甲？！重有乜都打得入嘅洋枪？！如果用支洋枪打落件宝甲度，你估有咩事会发生呢？
多隆：好容易啫，揾一个唔怕死嘅勇士着住件宝甲，大人开一枪试吓咪知啰！
韦小宝：系㖞！
（韦小宝攞多隆嚟较飞）
多隆（吓到腾腾震）：大人，瞄准啲呀！
手足：启禀韦大人！喺鳌拜嘅暗格里便揾到一本《四十二章经》！
（韦小宝开枪，多隆倒下）
韦小宝（睇书）：呢本唔系《四十二章经》，呢本叫《金刚经》，知嘛？
手足：系！系！大人。
韦小宝：我攞返屋企畀我老母念！（转眼见到多隆瞓咗喺地下）吓？唔系中咗吓哗？！
手足：系吖大人！头先嗰枪正一正噉射中咗多大人嗱！
韦小宝：唉！估唔到连天蚕宝衣都顶唔住！同我好好哋噉殓葬咗佢。
手足：知道。
韦小宝：重有，佢屋企啲嘢唔好乱喐，过两日去埋佢屋企抄家。
手足：系！大人。
（丽春院）
韦春花：嚟吖！小宝！小宝呀！
众女：韦大人！
韦小宝：我同我家姐讲两句说话，大家借开一阵先吓！
韦春花：行开啲啦！行开啲啦！细佬呀，你真系做咗官呀？
韦小宝：系吖，重贪污咗几千万呀。（韦春花大笑）不过我家阵要走路架嘞，专登嚟带埋你一齐去。
（韦春花开心过度，晕咗）
韦小宝：家姐呀！家姐！（探鼻息）晕咗啫！重未死！快啲揾人嚟救醒佢！（转身，一个人失惊无神戙咗喺面前）
陈近南：小宝！
韦小宝：太近睇唔清楚呀！阁下边位吖？
（陈近南拉开韦小宝）
韦小宝：师父，乜系你呀？！
陈近南：你喺宫里便所做嘅好事我冚棒唥知道晒。
韦小宝：唔系好明白噃。
陈近南：你眉心有股黑气，系咪中咗毒呀？
韦小宝：系吖！系吖！我中咗慢性化骨绵掌呀！好凄凉呀，师父！
（陈近南捋高韦小宝衫袖）
韦小宝：你睇吓！想想办法救吓我吖，师父！
（陈近南帮韦小宝解咗毒）
韦小宝：做咩呀？
陈近南：毒已经解咗嘞！
韦小宝：我都知道实医得返好架！多谢师父！
陈近南：跟我返去！我有嘢同你倾！
（天地会总部）
陈近南：我陈近南以总舵主嘅身份，升韦小宝为青木堂香主！
众人：恭喜韦香主！
韦小宝：青木堂香主？！
陈近南（扐出一块牌）：呢一个就系青木堂嘅令牌。本会嘅大敌鳌拜虽然畀韦香主捉住，而家韫喺天牢里便。但系有消息话，鳌拜嘅师弟同埋七大红衣喇嘛将会嚟营救佢。所以韦香主就要先下手为强，将鳌拜呢个奸贼正法，同时将满清嘅狗皇帝铲除！
韦小宝：铲除！要彻底地将佢哋铲完再除！不过只怕细佬一个人嘅力量有限！
陈近南（细细声）：你个龟蛋！左刮右刮，刮埋咁多油水！你而家钱银同女人都有，重唔想出返啲力？
韦小宝：钱银有啲，呃啖粥水食吓啫。女人冇噃！
陈近南：出嚟！
韦小宝：边个？（双儿从天而降）
双儿：双儿拜见公子！
陈近南：佢两个系孖生姊妹，一生出嚟就系连体。好彩得到我哋本会嘅神医，施术将佢两个分开。所以佢哋一言一语，一举一动，食饭瞓觉都系一齐！就算系喐手打人，都比普通两个人厉害一倍。我而家就赐畀你做贴身护法，帮助你铲除鳌拜同埋杀咗个狗皇帝！
韦小宝：师父，过嗰边斟斟哩。
（韦小宝走去一二角斟盘）
韦小宝：喂！你即系明揾两个人嚟监视住我啫。嗱，老老实实嘞，我揾几多同你五五分账，你唔使我返入宫得唔得呀？
（陈近南无语）
韦小宝：六四都有偈倾呀！
（陈近南无语）
韦小宝：想七三呀？！大贪啲啩！
（陈近南无语）
韦小宝：唔通八二咩？你都算冇人性呀你！
（陈近南无语）
韦小宝：你唔系想九一吓哗？！噉我宁愿返入宫嘞。
陈近南：嗱，你话架，我冇讲过嘢呀！
大话周星驰站zhouxingchi.cn
陈近南：各位兄弟，马上召集所有人马，听晚二更时分聚集喺城门之外。韦香主，你就放烟花为记号，到时我哋就杀入皇城直取鳌拜同埋狗皇帝嘅人头！
众人：攞佢人头！攞佢人头！攞佢人头！攞佢人头！……
韦小宝：呢镬杰！
（敬事房）
韦小宝（畀双儿扮蟹绑住）：我都话唔偷走咯。你绑住我做咩啫？都返到入宫啦，你唔系噉都信我唔过吓哗？
双儿：公子请自重，如果公子真系唔走，双儿马上为公子松绑！
韦小宝：喂！我韦小宝外号牙齿当金使，诚实可靠小郎君，并唔系浪得虚名架㖞。我讲过嘅嘢一定算数就出晒名架啦！
双儿：好！
（双儿同韦小宝松绑）
韦小宝：你哋唔畀我走无非都系想为国尽忠啫。噉你都要证明一样嘢我睇吓得㖞。
双儿：咩呀？
韦小宝：我要睇吓你哋系咪真系有心灵感应。你痕就你会痛，你痛就你夹餸！
双儿（点头）：呣！
韦小宝：净系讲冇用嘅，系咪噉话呀？
双儿：要唔要试吓？
韦小宝：好！嗱，你坐喺度，唔好喐！你跟我上嚟！唔好喐呀！（拉埋蚊帐）
（韦小宝拗双儿脚板底，两个嘅反应如出一辙）
双儿：公子，唔好啦！
韦小宝：坚架㖞！
双儿：大力啲呀！大力啲呀！唔好停呀！大力啲呀！大力啲呀！唔好停呀！唔好停呀！
韦小宝：系时候嘞！
（韦小宝中咗一巴）
韦小宝：呢个实验证明咗你两姊妹果然系心灵相通，更加证明咗我嘅揸波龙爪手的确系百发百中。
双儿：其实，总舵主交得双儿畀公子你，我哋已经系公子嘅人。只望公子以礼相守，待反清复明后，双儿一定以身相许。
韦小宝：点解你哋唔早讲？嗱，而家你坐喺度，唔好喐。你跟我入去再做多个实验。纯粹学术性架啫吓。
建宁公主（喺出便嗌）：小宝！
韦小宝：又边个呀？
建宁公主：小宝你喺边呀？
韦小宝：皇帝个妹？！快啲匿入去里便，快啲快啲！（双儿钻入床）记住唔好嘈呀！
建宁公主：小宝！小宝呀！哦，原来你匿埋喺呢度！呢几日你去咗边嗱？你唔使理我架啦！
韦小宝：忙吖嘛。
*建宁公主（端杯茶畀韦小宝饮）：我喺太医度攞咗啲虎鞭煎咗啲汤畀你补吓。
韦小宝：系？！好！等我用手攞住你只杯嚟饮得。左！右右……！前啲！系！唔该！
双儿：唔使！
韦小宝：屋大呀！有回音添！
建宁公主：古灵精怪！
韦小宝：摊冻些少得！
建宁公主：啱饮架喇！
韦小宝：好！等我攞起只杯嚟饮得！（倒晒喺自己头上便）
建宁公主：做咩嘥晒啲嘢啫？倒到一颈都系吖！
韦小宝：冇！我个人心软，想话硬颈些少噉解啫。
建宁公主：乱噏！
韦小宝：饮完啰㖞！好！等我递返只杯过你得！
大话周星驰站zhouxingchi.cn
建宁公主（接过只杯）：你而家系韦爵爷咯㖞。噉重唔快啲向我皇兄提亲？！你唔系唔记得嗰晚我哋已经行咗周公之礼架嘞嘛？你系咪唔认吖？我叫皇兄斩咗你个头落嚟！
韦小宝：唔使吓哗？
建宁公主：唔使？！哦！你有咗第二个女人！
韦小宝：冇！傻架你！除咗你之外，任何女人喺我眼中都只系一涿屎！
建宁公主：你做咩呀？
韦小宝：有蚊呀！
建宁公主：有蚊？！
*韦小宝：够胆就飞埋嚟我心口度吖嗱。我一搥打死你！抛窒佢嚟先得架要！嚟呀！
建宁公主：噉你重唔快脆啲向皇兄提亲？！
（韦小宝畀双儿打到呕血，阴功咯）
建宁公主：你呕血呀！
韦小宝：热气啫！
建宁公主：热气？！
韦小宝：梗系啦！你煲埋晒啲虎鞭汤呀！
建宁公主：你赖我啦！赖我啦！你赖死我啦！
韦小宝：唔好再讲喇！重唔嗱嗱声去执剂凉茶我饮？！行啦！我就嚟呕血呕死喇！
（建宁公主行开咗）
韦小宝：唔好再打喇！再打我死嘞！
双儿：边个叫你咁衰呀？！
建宁公主（一个屈尾十，行返转头）：哦！原来你收埋两只狐狸精喺度，我叫母后杀咗你哋！（想走）
双儿：追！
建宁公主：你哋啲三脚猫功夫，算系我手脚咩？！
（双儿收服建宁公主）
建宁公主：两个打一个，算咩英雄呀？！
双儿：唔准嘈呀！
画外音：太后有请韦大人！
韦小宝：喂！快啲捉佢上床！
韦小宝（出门迎接太后派嚟嘅宫女）：咩贵干呀？
宫女：韦大人，太后有请！
韦小宝：又请？！喂！冇乜紧要事就……
宫女：太后吩咐，如果韦大人唔去嘅话，就唔好怪奴婢得罪嘞！
韦小宝：等等！（入房）
（双儿捉住建宁公主）
双儿：点呀？
韦小宝：出便嗰两条八婆非常好武功！我哋唔好冒险！
双儿：噉点算嗱？
韦小宝：我跟佢出一出去，好快返嚟！
双儿：公子小心！
韦小宝：睇住佢呀！
（慈宁宫）
韦小宝：微臣韦小宝向太后请安！
宫女：太后！
太后：恭喜你噃，韦爵爷。抄鳌拜嘅家，油水都捞得唔少啦！
韦小宝：微臣只知尽忠报国，绝不中饱私囊。韦小宝只手若然有攞过鳌拜半两银，保佑我畀鳌拜摙死！
太后：嗰日如果唔系我出手阻止鳌拜，你早就畀佢摙死嘞！
韦小宝：太后母仪天下，武功盖世，微臣感激不尽。
太后：鳌拜手上嗰本《四十二章经》，已经落喺你手上啦？！
韦小宝：《四十二章经》系咩嚟架？
太后：唔好喺聪明人面前讲大话。你首先夹埋海大富喺我呢度偷咗正红旗嘅《四十二章经》。跟住我知道皇上赐咗佢手上嗰本正白旗嘅《四十二章经》畀你。而家收入国库嘅鳌拜家产之中，亦冇正蓝旗嘅《四十二章经》，即系畀你攞埋。除咗云南吴三桂手上嘅正黄旗《四十二章经》之外，四本经你已经得其三。宝藏嘅秘密，你知得好清楚啦！
韦小宝：咁难明嘅？！太后可否再讲多次呀？
（太后示意两个宫女除咗韦小宝对鞋）
韦小宝：喂！做咩呀你哋？（宫女除咗韦小宝嘅袜）
太后：右脚“清明”！左脚“反复”！你重唔认系天地会嘅人？
韦小宝：太后请息怒！系！我认系天地会嘅人，之但系太后你都系神龙教嘅人㖞。本来河水不犯井水架。而家你讲到咁大声，即系分明迫我爆架啫！
太后：你爆畀边个听呀？！如果我杀咗你，你报梦畀皇帝听呀？
韦小宝：我睇唔会嘅！要杀，你一早杀咗我啦！你唔想知道嗰三本经嘅下落咩？（坐低）斟茶！
（三本经突然出现喺台面）
太后：我一早就跟踪住你，你将呢三本经收埋喺丽春院。跟住出嚟见到陈近南，我跟手就攞返嘞！
*韦小宝：哈！攞咗嗱？！好咯！攞咗就冇事哩！微臣告退！
太后：你估我未睇过《四十二章经》咩？太后嗰本同皇帝嗰本我睇过无数次，仍然唔知道秘密收喺边度。你讲出嚟，或者我可以放你一条生路嘅！
韦小宝：既然太后讲到噉，不如杀咗我算嘞！不过唔好忘记，我假假哋都叫做韦爵爷。家阵九万几人知我嚟咗呢度，包括你个女建宁在内！杀咗我你估你自己甩唔甩到身吖嗱？！
太后：你讲我就信架嗱！
韦小宝：噉你搏一搏啰！
太后：你放心！今日系我哋神龙教严守嘅斋期，我哋唔可以杀生架！
韦小宝：系！早讲吖嘛！吓得人心肝仔卜卜噉跳！真系！
太后：不过我相信有个人好乐意杀你㖞！
（天牢，鳌拜囚禁之处）
太后：讲！秘密究竟系乜嘢？
韦小宝：噉算点啫？！我真系唔知架嘛！
太后：唔知？！你系咪想落去同佢倾吓偈呀？！
韦小宝：无谓啦！同佢又冇乜好倾架。
太后：感情可以慢慢培养架！
（“ung2”韦小宝落去）
韦小宝（缩喺角落头）：壮士！饶命呀！
鳌拜：你个死杂种仔呀！我要杀死你！杀死你！
韦小宝（镇定非常）：过嚟呀！要杀我呀？！等你呀！喺我面前也文也武？！你估真系惊你晓缩阳呀？！鬼唔望你缩到上喉咙，喺个口度凸返出嚟！你个冚家富贵，冇天装，食屎屙饭，食屎狗！我就攞涿屎嚟窒死你个死杂种！你老窦做鸡，你老母生花柳，你话！估我唔知呀，你三岁就庄女人冲凉！四岁就迫女人庄你冲凉！五岁你就……
（敬事房，双儿及紧）
双儿：韦公子咁耐都未返嚟，唔知有冇事呢？
（建宁公主趁机逃脱）
建宁公主：救命呀！救命呀！母后！母后！
（建宁公主都系飞唔出双儿嘅手指罅）
建宁公主：大人有大量，大人不记小人过，玩吓咋。（唔小心扣动机关，原来真太后畀韫喺石室里便）
（天牢）
韦小宝：七十岁你条契弟先醒起去割包皮！七十一岁你就氹啲细路女去睇金鱼，查实系非礼人哋。七十二岁你就贴钱去做屎窟鬼，边个帮衬你送一千两银加只烧卖。
鳌拜：你闹到攰嘞咩？！
韦小宝：唔系！谂谂吓头先四呀岁嗰年闹得你唔够绝。就由嗰年开始由头再闹过。焗鬼气真系呀！
（啲喇嘛冲入天牢嚟营救鳌拜）
喇嘛：师兄，我哋喺布达拉宫赶嚟救你架。
（啲喇嘛将啲鳌拜手上嘅锁链斩断）
喇嘛甲：冇事吖嘛你？
喇嘛乙：呢个系咩人呀？
韦小宝：壮士饶命呀，我知错嘞。
鳌拜：呢个而家系狗皇帝手上嘅红人嚟嘅！带埋佢一齐走做人质呀！
喇嘛甲：系！
喇嘛乙：走！
（大树林）
鳌拜：唔好行住！前面就系大内伺卫嘅哨岗。嗰度高手众多。就靠你哋七个闯关，恐怕闯唔过去嘅。
喇嘛：师兄，噉你意思系……
鳌拜：你哋同我护法，等我运功迫出身上九支神龙刺，只要我真气恢复运行。皇城之内，冇人系我对手！
喇嘛：好！噉我哋就帮师兄护法！
（烟花）
韦小宝：天地会？！（陈近南蒲头）师父！
陈近南：小宝！鳌拜？！
韦小宝：唔好畀佢迫到九支神龙刺出嚟呀！如果唔系就冇人够佢打架嘞！
陈近南：先杀鳌拜，后杀狗皇帝！
（激战）
韦小宝：师父，要帮手开声呀！
陈近南：踩住我个钹，唔使理我！
（韦小宝撞埋一樖树度）
（班喇嘛畀陈近南搞掂晒）
（陈近南畀打翻在地）
韦小宝：师父！死啦！死啦！鳌拜刀枪不入，重晓缩阳！缩阳？！（谂返起家姐讲过嘅说话：如果男人一缩阳呢，只要喺佢尾龙骨大穴位度攞支钗一厾落去，就会“厾咬”，噉样弹返出嚟架喇。）
（海大富失惊无神噉喺韦小宝身后蒲头）
海大富：啫啫！
韦小宝：喂！喂！喂！喂！
海大富：喂！喂！喂！
韦小宝：你重未死呀？
海大富：你重未死呀？
韦小宝：你又黐咗呀？
海大富；系吖！我又黐咗呀！
韦小宝：哎吖！噉死喇！
海大富：哎吖！噉死喇！
（鳌拜杀到埋身）
陈近南：小宝！小心呀！
海大富：唔好杀我啫啫呀！
（海大富同鳌拜搏命）
韦小宝：唔好呀！你唔够佢打架！小心呀，公公！
（陈近南杀咗鳌拜）
韦小宝：师父，你杀咗鳌拜呀！你终于都杀咗佢嘞！
陈近南：全靠你嗰位朋友帮手。
韦小宝：系吖，唔该晒！嗰个我老友嚟！师父呀，你而家身受重伤，不如唔好杀皇帝住嘞！横掂你杀咗鳌拜，经已帮各位兄弟报咗大仇。
（韦小宝扶起陈近南）
*陈近南：你过去睇吓你位朋友。
韦小宝：师父，你走先啦，呢度交畀我！
陈近南：小宝，你万事小心。
韦小宝：你都系。
（陈近南飞走咗）
（韦小宝扶起奄奄一息嘅海大富）
韦小宝：公公！公公！
海大富：啊？小春子！
韦小宝：你又醒返嗱？
海大富：你唔使惊！我嘅经脉尽碎，已经冇能力再杀你！
韦小宝：都系我对你唔住！
海大富：算啦！可惜我已经唔可以化解你化骨绵掌嘅毒！
韦小宝：师父已经帮我解咗嘞！
海大富：太后嘅秘密，你清楚晒未？
韦小宝：一早就知啦！原来佢就系……
太后：神龙教嘅圣女！
海大富：原来系神龙教嘅圣女！小春子，你放心。除非我死咗，如果唔系佢冇本事伤害到你一条毛！
韦小宝：吓哗？！你重唔走，佢一出手你冇命呀！
（海大富断咗气）
韦小宝：唔系吓哗？公公！公公！你重唔嗱嗱声走？佢变咗鬼你重死得快呀！
太后：韦小宝，你都算大命！韫你同鳌拜一个监房都唔死得！
韦小宝：你唔好乱嚟㖞！你食斋架㖞！
太后：已经过咗子时嘞，如果唔即刻交出三本《四十二章经》嘅秘密，你就要去见海大富同鳌拜！
画外音：皇上驾到！
（康熙骑住马）
韦小宝：皇上！你嚟就好咯！
太后：皇上！韦小宝要害我呀！
康熙：母后，你点会喺度架？
*太后：皇上，韦小宝同海大富原来系天地会嘅人。佢哋入寝宫绑走哀家，中途遇上鳌拜同佢哋嗰啲党羽。两帮人打起上嚟，全部都死晒！韦小宝重想杀哀家灭口添呀！
康熙：咩话？
韦小宝：皇上，废话呢我就唔想多讲嘞！实情系呢条友假扮太后，佢其实系神龙教嘅圣女嚟！
（康熙同韦小宝即刻弹开）
康熙：唔系吖嘛？
多隆：御林军戒备！
御林军（弯弓搭箭）：系！
太后：皇上，所有天地会嘅人脚底都有反清复明四个字。唔信你叫佢除咗对鞋袜畀你睇吓啦。
康熙：小宝！
韦小宝：唔系真架，皇上！
太后：人嚟！剥咗韦小宝嘅鞋袜！
韦小宝：皇上！咪住！喂！
（韦小宝左脚刻住“清明”两字）
康熙：清明？！
太后：另一只脚就系“反”同“复”。加埋就系大逆不道嘅“反清复明”四个字。
康熙：除埋嗰只睇吓。
韦小宝：唔好哩。
（韦小宝右脚刻住“重陽”两字）
康熙：重阳？！
韦小宝：小宝虽然未读过书，但系都识得一个孝字。清明同重阳系拜祭先人嘅日子。小宝将佢刻喺脚板上便系想提醒自己准时去拜山啫，皇上！
康熙：母后！
韦小宝：都话佢唔系太后！佢系用易容术嚟假扮嘅。
太后：皇上，你噉都唔信我？
建宁公主（带住真太后出现）：唔信！梗系唔信啦！
康熙：母后！建宁！
多隆：又多咗一个嘅？！
建宁公主：兄皇，唔好信呀，呢个先系真母后嚟架！
太后：皇上！佢系假冒架。佢韫咗我喺寝宫，假扮我个样，已经半年架嘞！
韦小宝：皇上，证据确凿，唔使谂嘞！
康熙：放箭！
（假太后飞上枝头）
假太后：韦小宝，我会记住你嘅！
（拂袖而去）
韦小宝：唔系话要放箭啫，冤有头……
康熙（下跪）：臣儿不孝，连累母后受苦。
众人：太后万福！
太后：好彩得建宁同呢两位小太监救我咋！
建宁（咬耳仔）：系小宝话畀我知嘅！
太后：小宝？！
康熙（起身）：母后，小宝系臣儿嘅心腹！韦小宝，你今次杀咗鳌拜，揭穿假太后嘅阴谋，立咗大功！朕就封你为鹿鼎公！
韦小宝：谢皇上！
龙儿：韦小宝，我一定会再返嚟，下次我再出现嘅时候，你一定唔会再认得我系边个嘅！
（张敏变咗成林青霞）
（剧终）
没有评论:
发表评论